«Batys Eýropa - Batys Qytaı» halyqaralyq jol dálizi Elbasynyń halyqtyń ahýalyn kóterýge baǵyttalǵan eńbeginiń jemisi - Eleýsin Saǵyndyqov

«Batys Eýropa - Batys Qytaı» jol qurylysyna arnalǵan BAQ sherýiniń barysynda jýrnalıstermen kezdesken Aqtóbe oblysynyń ákimi Eleýsin Saǵyndyqov osylaı dedi.

Oblys ákiminiń aıtýynsha, bul joba aıaqtalsa, aldaǵy 2-3 jyldyń kóleminde-aq Aqtóbe oblysynyń ekonomıkasy 15-20 paıyzǵa kóteriledi Sondaı-aq, birqatar áleýmettik máseleler qazirdiń ózinde sheshimin tabýda. Máselen, Yrǵyz aýdany men Qyzylorda oblysynyń shekarasyna deıingi jol buryn júrgizýshilerge qıyndyq týdyryp kelse, endigi ýaqytta ary-beri qıyndyqsyz qatynaýǵa múmkindik beredi.

«Qazir bul joldyń 87 shaqyrymy ǵana qaldy. Al Aqtóbe men Yrǵyz aýdanyna deıingi 22-23 shaqyrym jóndelmegen jol bar. Bular bıyl jóndeýden ótedi. Jalpy alǵanda, kelesi jylǵa Aqtóbe men Reseı shekarasyna deıingi 100 shaqyrym ǵana jol qalady», dedi oblys ákimi.

Onyń aıtýynsha halyqqa taǵy bir kómek - jobanyń bastalýymen jańa jumys oryndary ashylýda. Máselen, oblysta 14 qurylys ındýstrııasy kompanııasy jumys istep jatyr. Mundaǵy jumysshylardyń basym bóligi jergilikti turǵyndar. Munymen qatar Aqtóbeden Reseı shekarasyna qaraı 14 kópir salynady eken. Bul nysanda 2 myńǵa jýyq adam jumys istep jatyr. Oblys ákiminiń aıtýynsha «Batys Eýropa - Batys Qytaı» joly Aqtóbe oblysynyń 621 shaqyrym aýmaǵyn basyp ótedi. Qazir onyń 434 shaqyrymy salynǵan. «Jalpy, Aqtóbe oblysy aýmaǵy joldaryndaǵy jumystar kelesi jyly aıaqtalyp, merziminen buryn paıdalanýǵa beriledi», dedi oblys ákimi.

Al QR Kólik jáne kommýnıkatsııa mınıstri Ábilǵazy Qusaıynovtyń aıtýynsha Aqtóbe oblysyndaǵy eń qıyn ýchastok, júrgizýshiler arasynda «ólim alqaby» atalyp ketken 215 shaqyrymdyq joldyń kúrdeli jóndeýi bıyl aıaqtalady. «2 jyl boıy salynyp jatqan jol qurylysy merziminen buryn bitedi. «Batys Evropa-Batys Qytaı» jolynyń arqasynda halyq onyń burynǵy ataýyn umytady. Endi bul joldyń «ómir joly» dep atalatynyna senemin» dedi mınıstr.