«Batys Eýropa-Batys Qytaı» dálizi iske qosylsa júk tasymaly jylyna 33 mln. tonnaǵa jetedi - Á. Qusaıynov
ASTANA. Qazannyń 22-ci. QazAqparat /Qanat Mámetqazyuly/ - «Batys Eýropa-Batys Qytaı» dálizi iske qosylsa júk tasymaly 33 mln. tonnaǵa deıin artady.
Búgin QR Parlamenti Senatynyń jalpy otyrysynda atalǵan jobaǵa qatysty kelisimdi talqylaý barysynda Kólik jáne kommýnıkatsııa mınıstri Ábilǵazy Qusaıynov osylaı málim etti , dep habarlaıdy QazAqparat.
«Batys Eýropa - Batys Qytaı» jańa halyqaralyq dálizi boıynsha jobalardy negizinen 4 bank qarjylandyrady. Jalpy, bul joba boıynsha eń aldymen Qazaqstannyń tranzıttik áleýeti arta túsedi. Máselen, qazirgi kúni elimizdegi tranzıt arqyly jylyna 13 mln. tonna júk tasymaly ótedi. Al «Batys Qytaı-Batys Eýropa» jobasy salynyp bitkennen soń, júk tasymaly úsh esege artyp, jylyna 33 mln. tonnaǵa deıin barady», dedi Á. Qusaıynov.
Mınıstrdiń aıtýyna qaraǵanda jobanyń «Ońtústik Qazaqstan oblysy shekarasy - Taraz» ýchaskelik bóligi boıynsha bir shaqyrymǵa ketetin shyǵyn 3 mln. dollardy quraıdy. «Jalpy atalǵan aýqymdy dáliz boıynsha eń kúrdeli ári qaýipti aımaǵy basym óńir osy Jambyl, Ońtústik Qazaqstan aımaǵy bolyp otyr. Bul avtojoldardyń qaýipti burylystary da, kópirleri de jeterlik. Sondyqtan da osy ýchaske tórt jolaqty bolyp, betonmen salynady. Sapalyq merzimi boıynsha osy ýchaskeler 20 jyl qaıta jóndeýsiz qyzmet etedi dep josparlap otyrmyz», dedi Á. Qusaıynov.
Esterińizge sala keteıik, «Batys Eýropa-Batys Qytaı» halyqaralyq dáliz jobasy 2012 jylǵa taman tolyq aıaqtalyp, iske qosylady dep josparlanǵan.
