«Batys Eýropa-Batys Qytaı» dálizi bastamasyna 10 jyl toldy

NUR-SULTAN. QazAqparat - Búgin «Batys Eýropa - Batys Qytaı» avtokólik dálizin qurý týraly Qazaqstan men Qytaı arasyndaǵy ózara túsinistik memorgandýmyna qol qoıylǵanyna 10 jyl toldy, dep habarlaıdy QazAqparat tilshisi.

Este bolsa, 2009 jyldyń 16 sáýirinde Qazaqstannyń Tuńǵysh Prezıdenti - Elbasy Nursultan Nazarbaev Qytaı Halyq Respýblıkasyna memlekettik sapar jasady. Sapar aıasynda Elbasy QHR Tóraǵasy Hý Tszıntao shaǵyn jáne keńeıtilgen quramda kelissózder júrgizdi. Nátıjesinde «Batys Eýropa-Batys Qytaı» avtokólik dálizin qurý týraly QR Kólik jáne kommýnıkatsııalar mınıstrligi men QHR Kommýnıkatsııa mınıstrligi arasynda ózara túsinistik memorandýmyna qol qoıylǵan edi.

Búgingi kúni jalpy usyndyǵy 8445 shaqyrymdy quraıtyn «Batys Eýropa-Batys Qytaı» transqurlyqtyq dáliz úsh memlekettiń, atap aıtqanda Qytaı, Qazaqstan jáne Reseıdiń aýmaǵyn basyp ótedi. Júrgizilgen zertteýlerge sáıkes, 2020 jyly atalǵan baǵdar boıynsha tasymaldanatyn júk kólemi 2,5 ese artatyn bolady. ıAǵnı, jylyna 13 mln tonnadan 33 mıllıon tonnaǵa deıin jetedi.

Qazirgi ýaqytta dáliz boıynda jol qyzmetiniń 277 nysany jumys istep tur. 47 jańa óndiris orny qurylyp, 8 qoldanystaǵy óndiris keńeıtilgen.