«Batys Eýropa-Batys Qytaı» avtomagıstraliniń qurylysy úshin 2009-2010 jyldary OQO-da 299 jer ýchaskesi satyp alyndy
ASTANA. 30 naýryz. QazAqparat /Serik Sabekov/ - «Batys Eýropa-Batys Qytaı» avtomagıstraliniń qurylysy úshin 2009-2010 jyldary Ońtústik Qazaqstan oblysynda 1 567,63 mıllıon teńgege 179,89 gektar aýmaqty quraıtyn 299 jer ýchaskesi satyp alyndy.
Bul týraly búgin Astanada ótken onlaın jelidegi konferentsııa barysynda QR Jer resýrstaryn basqarý jónindegi agenttik tóraǵasy Ómirzaq Ózbekov málim etti.
Agenttik tóraǵasynyń aıtýynsha, jalpy alǵanda osy avtodáliz qurylysy úshin 487,37 gektar bolatyn 850 jer ýchaskesin satyp alý qajet. 307,48 gektardy quraıtyn qalǵan 551 jer telimin 877,39 mln. teńgege satyp alý qajet bolyp otyr. Qazirgi tańda 62,68 gektar bolatyn 85 jekemenshik jer ıelerimen 308,755 mln. teńgeniń satyp alý-satý týraly kelisimi jasaldy. Qalǵan 406 jer ýchaskesin satyp alý máselesi boıynsha komıssııa músheleri jer ıelerimen kelissózder júrgizip jatyr.
