Batys elderi Qazaqstan ýranynyń Reseı arqyly ımporttalýyna tyıym salǵan joq

NUR-SULTAN. QazAqparat – Batys elderi Qazaqstannyń ýran ónimderiniń Reseı arqyly ımporttalýyna tyıym salǵan joq, dep habarlaıdy QazAqparat tilshisi.

Bul jaıynda QR Premer-Mınıstri Álıhan Smaıylovtyń Májilis depýtattarynyń saýalyna bergen jaýabynda aıtylǵan.

«Sankt-Peterbordaǵy teńiz porty arqyly baǵdar - batys naryǵyna Qazaqstannan ýran ónimderin jetkizýge arnalǵan negizgi baǵyt sanalady. Búginde batys elderi tarapynan Reseı aýmaǵy arqyly jetkiziletin qazaqstandyq ýran ónimderi ımportyna tyıym salynǵan joq. «Qazatomónerkásip» ulttyq aktsıonerlik qoǵamy» AQ eksport baǵdarlaryn ártaraptandyrý maqsatynda 2018 jyldan 2021 jylǵa deıingi aralyqta Kaspıı teńizindegi qazaqstandyq port arqyly Frantsııa, Kanada, Rýmynııa jáne Úndistanǵa arnalǵan ýran ónimderin sátti tasymaldady», - dep atap ótedi Álıhan Smaıylov jaýabynda.