Batys elderi Qazaqstan búrkitshileriniń sheberligine tamsandy (FOTO)
ASTANA. QazAqparat - Ulttyq kıimderin kıip, oń qoldaryna búrkit qondyrǵan qazaqstandyq búrkitshiler sánimen, ereksheligimen, sondaı-aq naǵyz erkekke tán batyldyǵymen ǵajaıyp áser qaldyrady, dep jazdy amerıkandyq CNN telearnasy.
Keıbireýleriniń bıiktigi 1 metrge deıin jetetin búrkitter búrkitshilerdiń qolynda otyrady. Shyńǵyshan basqarǵan zamannan bastap qazaqtarda ańshylyqta qyran qusyn paıdalaný dástúri qalyptasqan, dep atap ótti CNN.
Belgili ornıtolog jáne qustardy jattyqtyrýshy Pavel Pfanderdiń sózine qaraǵanda, «ańshylyqta qustardy paıdalaný erekshe óner jáne munymen negizinen Qazaqstanda jáne kórshiles Qyrǵyzstanda aınalysady». Sonymen qatar ornıtolog qazirgi ýaqytta Qazaqstanda shamamen 50 adam jabaıy qustardy jattyqtyrýmen aınalysatynyn atap ótti.
Qazaqtyń qyranmen ań aýlaý dástúrine degen qyzyǵýshylyq artqandyqtan, Qazaqstanda Almaty qalasy mańyndaǵy «Suńqar» pıtomnıgin qarjylandyrady.
