«Batys - 2013» oqý-jattyǵýynyń sheshýshi kezeńi aıaqtaldy
Bul týraly QR Qorǵanys mınıstrligi baspasóz qyzmetinen habarlandy.
Oqý-jattyǵýdyń mazmuny boıynsha Qurlyq áskerleri Áýe qorǵanysy kúshterimen, Áskerı-teńiz kúshterimen jáne UQK Shekara qyzmetimen birlesip, memlekettik shekaradaǵy jáne Qazaqstan Respýblıkasynyń sý bóligi syzyǵyndaǵy jaǵdaıdy qalpyna keltirdi.
«Oqý-jattyǵýda Qurlyq áskerleriniń bólimshe komandırleri men basqarý organdary qarsy shabýyldy júrgizý barysynda áskerlerdi basqarý jáne shartty qarsylas túsirgen desanttyń kózin joıý is-sharalary boıynsha jaqsy tájirıbe jınaqtaı aldy. Qarýly Kúshter túrleriniń, sondaı-aq ózge de áskerler men áskerı quralymdardyń kelisilgen is-qımyldary jattyǵýdy ótkizýdiń sheshýshi sáti boldy.
Qurlyq áskerleri bas qolbasshysynyń bergen baǵasy boıynsha bólimsheler aldaryna qoıylǵan jaýyngerlik tapsyrmalardy sátti oryndaı alatyndaryn tájirıbe túrinde kórsete aldy»,-delingen vedomstvo málimetinde.