Batyrlar men ult qaharmandary týraly arnaıy jınaq shyǵarý josparlanyp otyr - M. Qul-Muhammed
TANA. 26 shilde. QazAqparat /Rýslan Ǵabbasov/ - Batyrlar men ult qaharmandary týraly arnaıy jınaq shyǵarý josparlanyp otyr.
Bul týraly búgin Úkimet otyrysynda QR Mádenıet mınıstri Muhtar Qul-Muhammed málim etti.
«Ulttyq mádenıet úshin mańyzy óte úlken jáne qoǵamda keń pikir týdyrǵan biregeı aýqymdy jobalar - «Qazaqtyń dástúrli myń kúıi» men «Qazaqtyń dástúrli myń áni» sııaqty jobalar júzege asyryldy. Keleshekte osy formatta batyrlar men ult qaharmandary týraly arnaıy jınaq shyǵarý oıymyzda bar», - dedi vedomstvo basshysy.
Osy oraıda mınıstr "Mádenı mura" baǵdarlamasy aıasynda qazaqtyń dástúrli mýzykasy men mádenıetiniń úlgilerin júıeleý jáne olardy halyq pen bolashaq ıgiligine aınaldyrýǵa qatysty aýqymdy jumystar jalǵasatynyn qadap aıtty.
