Batyrlar aralas jekpe-jekte baǵyn synady
ATYRAÝ. QazAqparat - Atyraý qalasynda aralas jekpe-jekten eresekter arasynda oblystyq týrnır ótti, - dep habarlaıdy «QazAqparat» HAA tilshisi.
Sportshylar arasynda tájirıbe almasý maqsatynda uıymdastyrylǵan básekege Atyraý qalasyndaǵy sport klýbtary men Jylyoı, Qurmanǵazy, Inder aýdandarynan 80 astam sportshy qatysty. Olar on túrli salmaq dárejesi boıynsha synǵa túsip, aqtyq básekege ótken jıyrma sportshy Qazaqstan chempıonatyna joldama aldy. Endi olar 24-27 aqpan kúnderi Atyraý qalasynda ótetin aralas jekpe-jekten Qazaqstan chempıonatynda Atyraýdyń namysyn qorǵaıtyn bolady.
- Jekpe-jek - batyr babalarymyzdyń ejelgi sporty. Ol - tarıhqa qurmet, dosqa adaldyq, qarsylasqa ádildiktiń belgisin kórsetedi. Qazir aralas jekpe-jektiń arnaıy erejesi bar. Bul sport túrine balalardy 7 jastan bastap baýlımyz. Olardy rýhanı tárbıeleýimiz qajet. Qazir shybyq tımes shyńq eterler kóbeıip ketti. Túrtip ketseń qulaı ketedi. Keshegi babalarymyz qaısarlyǵyn jekpe-jekte dáleldegen. Bul jigitter de segiz buryshta bir-birimen tóbeleskenimen syrtqa shyqsa aıyrylmas dos. Mine, rýhanı tárbıeniń eń mańyzdysy osynda, - deıdi Atyraýǵa arnaıy kelgen aralas jekpe-jek ulttyq federatsııasynyń dırektory Ernazar Álimbetov.
