Batyrhan Shúkenovtyń notaǵa túsirilgen ánderiniń qazaq tilindegi jınaǵy tanystyryldy
ALMATY. QazAqparat - Almatyda Batyrhan Shúkenov atyndaǵy qor Bolat Ótemuratovtyń qorynyń qarjylaı qoldaýymen tanymal ánshiniń notaǵa túsirilgen ánderiniń qazaq tilindegi jınaǵynyń tanystyrylymyn ótkizdi, dep habarlaıdy QazAqparat.
Jınaqta ártistiń án jınaqtaryndaǵy barlyq týyndylar jınastyrylǵan. Mundaǵy maqsat qazaq tili men otandyq ánshilerdi qalyń kópshilikke nasıhattaý. Basylymnyń ereksheligi ol gıtarada án aıtýshylarǵa da arnalǵan. Óıtkeni onda akkordtar bar.
«Biz basylymdy oryndaýshylarǵa barynsha qoljetimdi etýge tyrystyq. «Saǵym dúnıe» atty jınaq Batyrdyń shyǵarmashylyq baǵytyn aıqyn kórsetedi. Basylym býyrqanyp jatqan dúnıeniń únemi qozǵalysta ekenin jáne onyń birte-birte máńgilikke attanyp kete baratyn saǵym dúnıe ekendigin pash etedi. Bul tartysqa toly dúnıede oryndalmaı qalyp jatatyn tilekterdiń muńy ispettes»,-deıdi Batyrhan Shúkenov qorynyń Qamqorshylyq keńesiniń tóraǵasy, ánshiniń aǵasy Baýyrjan Shúkenov.
Notaǵa túsirilgen basylymǵa 14 týyndy engen. Onyń ishinde áıgili «Otan ana» da bar. Notalyq jınaqqa engen týyndylardyń kópshiliginiń avtorlary kezinde Batyrhan Shúkenovpen birge tyǵyz qarym-qatynasta jumys istegen kompozıtor Qýat Shildebaev, Tólegen Muhamedjanov, Nadjıb Vıldanov, Rınat Gaısın sııaqty azamattar.
Osyǵan deıin Qyzylorda qalasynda Batyrhan Shúkenovke eskertkish ornatylǵandyǵyn habarlaǵan bolatynbyz.
Sondaı-aq Batyrhan Shúkenovtiń esh jerde oryndalmaǵan 13 áni tabylǵandyǵy jazyldy.
Batyrhan Shúkenov atyndaǵy shákirtaqy taǵaıyndaldy.
