Batyrhan Shúkenovtiń jańa klıpi jaryq kóredi
ASTANA. QazAqparat - 26 sáýir kúni mýzykalyq telearnalardan Batyrhan Shúkenovtiń «Nas ıstselıaet lıýbov» dep atalatyn ánine túsirilgen jańa klıp kórsetile bastaıdy, dep habarlaıdy QazAqparat.
Atalǵan klıp Batyrhan Shúkenov atyndaǵy qoǵamdyq qordyń kúshimen túsirilgen.
«Bul jańa án. Batyr dybys tiregin sonaý 2014 jyldyń tamyzynda jazǵan bolatyn. Basqa da ánderi bolǵandyqtan munynmen aınalysýǵa ýaqyty bolmaı keıingi ysyryp qoıǵan edi. Batyr olardy jınap júrdi. Ánmen, aranjırovkasyn, dybysyn jazýmen uzaq jumys istedik. Ótken jyly bastaǵan edik, mine bıyl ony tolyqtaı óńdep shyqtyq», - dedi QazAqparat tilshisine qordyń dırektory Oljas Baıqanov.
Onyń sózine qaraǵanda, klıpte Batyrdyń jeke arhıvinen, qordyń PR-dırektory ıÝlııa Ýglova men klıp rejısseri Dına Mahabbattyń qorynan alynǵan kadrlar paıdalanylǵan. Sonymen qatar sýretshiler Ekaterına Djebko men Elena Kravchýktiń de kadrlary qoldanylǵan.
Batyrhan Shúkenov 2015 jyldyń sáýir aıynyń sońǵy kúnderinde 53 jasynda ómirden ozdy.
