Batyrhan Shúkenovtiń «Otan anasy» jańa áýenmen shyrqalady
ALMATY. QazAqparat - Almatyda Batyrhan Shúkenovti eske alýǵa arnalǵan baıqaý úlken ótedi, dep habarlaıdy QazAqparat tilshisi.
Baıqaýdyń ashylýynda «Otan Ana» áni jańasha áýenmen oryndalmaq.
Ashylý saltanaty 26 qarashada Qurmanǵazy atyndaǵy konservatorııanyń úlken zalynda bolady. Uıymdastyrýshylardyń aıtýynsha, kontsertke etno-djazdan klassıkaǵa deıin ár túrli mýzykalyq baǵyttaǵy toptar men oryndaýshylar qatysady.
Atap aıtqanda, Satzhan Project jáne Steppe Sons toptary, úrmeli jáne qazaq halyq aspaptary ansamblderi, fortepıano kvarteti, Serik Nurmoldaev, Janar Hıdýanova óner kórsetedi.
Kesh baǵdarlamasynda Andreı Eshpaıdyń "Merekelik ývertıýra", "Gershvına taqyrybyndaǵy qııal", Serik Nurmoldaev, Satzhan Project tobynyń óner kórsetýi jáne basqa da tosynsyılar bolady.
Keshtiń eń úzdik áni "Otan ana" Qýat Shildebaevtyń Batyrhan Shúkenovtiń eń alǵashqy jeke albomyna jazyp shyǵarǵan týyndysy qobyzshylar men soqpaly ansambldiń oryndaýynda shyrqalady.
Baıqaý 26-30 qarasha aralyǵynda bes nomınatsııa boıynsha: fleıta, goboı, klarnet, fagot jáne saksofon ótedi.
Baıqaý jeńimpazdarynyń esimderi 30 qarashada jarııalanady. Ár nomınatsııada I, II jáne III dárejeli syılyqtar, sondaı-aq konkýrs dıplomantynyń jáne "Úzdik kontsertmeıster" dıplomdary men syıaqylary qarastyrylǵan. Baıqaýdyń jalpy júlde qory 5 250 000 teńge.
Іrikteý onlaın túrde júzege asyryldy. Baıqaýdyń birinshi bólimine qatysý úshin úmitkerler ózderi oryndaǵan beınejazbany jiberýi qajet bolǵan. Baıqaýǵa 32 jasqa deıingi kásibı oryndaýshylar men stýdentterdi qosqanda 43 adam ótinim bildirgen. Solardyń ishinde baıqaýdyń kelesi kezeńine 28 qatysýshy ótken.
Esterińizge sala keteıik, qazylar alqasynyń quramynda "Jańa Eýropa" orkestriniń bas dırıjeri jáne kórkemdik jetekshisi Nıkolas Kraýze (Frantsııa), saksofonıst jáne kompozıtor Krıstıan Elın (Germanııa), fleıtıst, halyqaralyq konkýrstardyń laýreaty, P. I. Chaıkovskıı atyndaǵy úlken sımfonııalyq orkestrdiń solısi Nıkolaı Popov (Reseı), Astana qalasy ákimdiginiń memlekettik akademııalyq fılarmonııasynyń úrmeli aspaptar orkestriniń bas dırıjeri, QR Eńbek sińirgen qaıratkeri Ákim Muqatjanov, Qurmanǵazy atyndaǵy QUK-nyń goboıa klasy boıynsha professory Tanatar Nuraly, Qurmanǵazy atyndaǵy QUK-nyń Klarnet klasy boıynsha professory Janat Ermanov bar.
