Batyrhan Shúkenovtiń esimi halqymyzdyń jadynda saqtala beredi - Memleket basshysy
ASTANA. QazAqparat - Elbasy Nursultan Nazarbaev belgili mýzykant, estrada ánshisi ári kompozıtor Batyrhan Shúkenovtiń qaıtys bolýyna baılanysty
marqumnyń otbasy men týǵan-týystaryna kóńil aıtý jedelhatyn joldady. Bul týraly Aqordanyń baspasóz qyzmetinen habarlady.
Jedelhatta B.Shúkenov jan-jaqty daryndylyǵy, joǵary oryndaýshylyq sheberligi jáne jeke basynyń qasıetterimen mıllıondaǵan tyńdaýshylardyń súıiktisi bolǵany atap ótilgen.
«Osyndaı adamnyń kenetten qaıtys bolýy bárimizdi ókindirip otyr. Onyń esimi jáne oryndaýyndaǵy shyǵarmalary halqymyzdyń jadynda saqtala beredi», - delingen jedelhatta.
