Batyrhan Shúkenovtiń esh jerde oryndalmaǵan 13 áni tabyldy
QYZYLORDA. QazAqparat - Batyrhan Shúkenovtiń esh jerde oryndalmaǵan 13 áni engen albom jaryqqa shyǵady, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Albom «V nas vselıaıýt lıýbov» ataýmen el nazaryna usynylady. Bul jaıynda B.Shúkenov atyndaǵy «Otan-Ana» atty ІІ respýblıkalyq ánshiler konkýrsy aldynda ótken jıynda qor dırektory Oljas Baıkanov aıtty.
«Sońǵy jyly biz Batyrdyń jańa albomy boıynsha jumys jasap jatyrmyz. Bul jınaqqa buryn-sońdy eshkim estimegen 13 jańa áýen enedi. Al, 20 mamyr kúni Máskeýden ánder jınaqtalǵan dısk jetkiziledi. Bul jınaqqa Qazaqstan ǵana emes, kóptegen elderdiń mamandary birlesken úlken top jumys jasady», - dedi Oljas Baıkanov.
Sonymen qatar, Batyrhan Shúkenovpen tyǵyz áriptestik jumys jasaǵan kompozıtor Rınat Gaısın ánshiniń taǵy da birneshe ánin óńdep, jańartyp shyǵaratynyn jetkizdi.
«Biz uzaq ýaqyt birlesip jumys jasadyq. Men Batyrǵa arnap birneshe án shyǵardym. Máselen, búgingi konkýrsta oǵan arnap jazǵan «Astana» áni oryndalady. Konkýrs aıaqtalǵan soń, men Pragaǵa baryp, stýdııa arhıvinde saqtaýly Batyrdyń birneshe ánin jańartyp, qaıtadan óńdeımin. Qandaı án ekenin ázirge qupııa ustap otyrmyz», - dedi Rınat Gaısın.
Aıta keteıik, Qyzylordada 16-18 mamyr kúnderi oblys ákimdiginiń qoldaýymen B.Shúkenov atyndaǵy «Otan - Ana» atty ІІ respýblıkalyq ánshiler konkýrsy ótýde. Oǵan elimizdiń barlyq óńirlerinen jáne Ózbekstan memleketinen 25 oryndaýshy qatysýda. Konkýrs talaby boıynsha, qatysýshylar 2 án oryndaıdy, onyń biri Batyrhan Shúkenovtyń repertýarynan bolýy kerek.
Avtory: Ádiljan Úmbet
