Batyrhan Shúkenovtiń ánine qoıylatyn spektaklge kastıng jarııalandy
ALMATY. QazAqparat - ARTıShOK teatry Batyrhan Shúkenovtiń shyǵarmasy jelismen sahnalanatyn spektakldiń qosalqy rólderine ártister izdep jatyr, dep habarlaıdy QazAqparat tilshisi.
Teatrdyń baspasóz qyzmetiniń habarlaýynsha, kastıng tóreshileri quramynda atalǵan teatr rejısseri Galına Pıanova, Ýkraınadan kelgen horeograf Anatolıı Frolov, teatr prodıýseri Anastasııa Tarasova, kıno jáne teatr akteri Shyńǵys Qapın jáne mýzykant Ǵalymjan Moldanazar bar.
«Batyrhannyń áni jelisindegi qoıylym sahnalanady. Mıýzıkldi jaryqqa shyǵarý úshin qosymsha alań kerek edi. Budan bir jyl buryn jobanyń kontsepsııasyn jasadyq. Baýyrjan Shúkenovpen kezdesip, horegraf izdeı bastadyq. Endi komandamyzdy tolyqtyryp jatyrmyz. Álbette, bul «qııaldaǵy komanda» bolý tıis. Kastıngtiń júrgizilý sıpatynyń ózi Qazaqstandyqtar úshin tańsyq jaǵdaı bolmaq. Sebebi bizdiń elde kásibı básekelestik damymaǵan. Kóbi artymyzda tireýimiz bolmasa, eshkimge kerek emespiz dep oılaıdy. Osy stereotıpti buzǵymyz keledi»-dedi teatr prodıýseri Anastasııa Tarasova.
Teatrdyń baspasóz qyzmetiniń habarlaýynsha, ózin akterlik qyrynan tanytqysy keletinder anketa toltyryp, fotosýretimen qosa, artishock.casting@gmail.com pochtasyna joldaı alady.
Batyrhan Shúkenovtiń ánine qoıylatyn spektakl bıyl qyrkúıek aıyna josparlaýda.
Avtory: Araılym Joldybaeva
