Batyrhan Shúkenovti eske alýǵa arnalǵan qaıyrymdylyq kontserti anshlagpen ótti (FOTO)
ALMATY. QazAqparat - Qurmanǵazy atyndaǵy qazaq ulttyq konservatorııasynda QR eńbek sińirgen qaıratkeri, daryndy mýzykant Batyrhan Shúkenovti eske alýǵa arnalǵan qaıyrymdylyq kontserti ótti.
«Batyrǵa degen mýzykant retindegi mahabbat sezimimizdi tilmen aıtyp jetkizý múmkin emes. Kontsertke daıyndalǵan kezde maǵan nómirdi alyp tastaý qıynǵa soqty. Áıtpegende, tań atqansha jalǵasatyn edi. Bári án aıtqysy keldi. Bizde sózden de qudiretti - mýzyka tili bar», - dep atap ótti konservatorııa rektory, halyq ártisi Jánııa Áýbákirova.
Keshke kórkemdik jetekshi, dırıjer ıAn Rýdkovskııdiń basshylyǵymen konservatorııanyń aralas hory, konservatorııanyń úrmeli aspaptar orkestri, «Ańsar» vokaldyq trıosy, «Mezzo» ansambli, Qazaq ulttyq konservatorııasyny4 ánshileri qatysty. Qobyzshylar men dombyrashylar klassıkalyq týyndylardy áýeletti. Baıanshylar ansambli «kúı tartys» jasady. Batyrdyń «Otan ana» ánin qobyzshylar orkestri oryndady.
Konservatorııa zaly lyq toly boldy.
Barlyq jınalǵan qarajat Batyrhan Shúkenov atyndaǵy qoǵamdyq qorǵa aýdarylady.
