Batyrhan Shúkenov Lýı Armstrongtyń keıpine qalaı engenin kórsetti - FOTO, VIDEO
ASTANA. QazAqparat - Belgili qazaqstandyq ánshi Batyrhan Shúkenov «Rossııa 1» arnasyndaǵy «Odın v odın» shoýynyń birinshi týrynan keıingi áserimen bólisti.
«Eń qıyny anama ekrandaǵy 100 kelilik afroamerıkalyqtyń men ekenimdi túsindirý boldy...», - dep Batyrhan fotolarynyń biriniń astyna pikir jazǵan.
Sondaı-aq, ánshi óziniń ónerine tabynýshylardy oǵan daýys berýge shaqyrdy.
«Eger meniń ónerim sizderge unasa, onda uıaly telefondaryńyz arqyly 1880 nómerine 3 sanyn jiberip nemese 8-803-333-55-03 nomerine qońyraý shalyńyzdar. Bul aqyly qyzmet», - dep qosty ol.
