Batyrhan Shúkenov atyndaǵy shákirtaqynyń ıegerleri belgili boldy
ALMATY. QazAqparat - Komıssııa Bolat Ótemuratov Qorynyń qoldaýymen beriletin Batyrhan Shúkenov atyndaǵy shákirtaqyny ıelengen bes adamnyń esimderin jarııalady, dep habarlaıdy QazAqparat tilshisi.
500 myń teńgelik ataýly stıpendııaǵa Serik Arǵymberdi, Artýr Bemm, Anna Danılchenko, Mádı Mádenıetov pen Elvıra Roppert ıe boldy. Olardyń bári de Qurmanǵazy atyndaǵy Qazaq ulttyq konservatorııasynyń aspappen oryndaý fakýlteti bakalavrıatynyń stýdentteri.
«Biz qazaqstandyq mýzykanttardyń úlken áleýetine senemiz jáne olardy qoldaýǵa ázirmiz. Bul pılotty joba bolǵanymen, biz onyń geografııasyn keńeıtip, elimizdiń ártúrli oblystaryndaǵy jańa esimderdi anyqtaǵymyz keledi», - deıdi Batyrhan Shúkenov atyndaǵy Qordyń dırektory Nargız Shúkenova.
Batyrhan Shúkenov Qazaq ulttyq konservatorııasynyń saksafon synyby boıynsha alǵashqy túlekterdiń biri. Mine, sondyqtan atalmysh aspapty oqıtyn eki stýdentke shákirtaqy berildi.
«Lenıngradtan qaıtyp kelgennen keıin Batyr konvervatorııaǵa oqýǵa tústi», - deıdi Nargız.
«Ol kezde rýhanı bólim bolǵanymen, saksafon synyby joq bolatyn. Bıbigúl Tólegenova osy rette kómek qolyn sozyp, rektor Ǵazıza Jubanovamen sóılesip, aqyry bir stýdent bar bolǵandyqtan, saksafon synyby ashylǵan edi. Mine, bir kisiniń ǵana daryny men jigeri qanshalyqty eńbekti atqarýǵa múmkindik beretinin kóre berińiz. Biraq, bul rette jas jigittiń darynyn kóre bilgen kisilerdiń eńbegin erekshe atap ótý kerek».
Іrikteý komıssııasynyń quramyna Batyrhan Shúkenov atyndaǵy Qordyń qamqorlyq keńesiniń tóraǵasy, onyń týǵan baýyry Baýyrjan Shúkenov, Bolat Ótemuratov atyndaǵy Qordyń dırektory Marat Aımaǵambetov, Qazaqstannyń Eńbek sińirgen qaıratkeri, professor, Qurmanǵazy atyndaǵy Qazaq ulttyq konservatorııasynyń aspapen oryndaý fakýltetiniń dekany Janat Ermanov jáne Batyrhan Shúkenov atyndaǵy Qordyń dırektory Nargız Shúkenova endi.
Barlyq qatysýshylar tańdaý boıynsha mýzykalyq oryndaýlarynyń vıdeojazbalaryn jibergen bolatyn. Osylaısha, tóreshiler qatysýshylardyń oryndaýshylyq darynyn, sheberlikteri men ártistigin baǵalaýǵa múmkindik aldy. Fınaldyq kezeńge 15 adam jetken.
Eki qordyń basshylyǵy aldaǵy ýaqytta aǵashtan jasalǵan rýhanı aspaptarda oınaıtyn ónerpazdardyń respýblıkalyq baıqaýyn ótkizýdi, Batyrdyń qazaq tilindegi ánderiniń notadaǵy taspasyn shyǵarýdy josparlap otyr.
