Batyrhan Shókenov, «MýzART» jáne «JCS» elordalyq áıelderdi 8 naýryz merekesimen quttyqtaıdy
ASTANA. QazAqparat - 8 naýryzda Beıbitshilik jáne Kelisim saraıynda otandyq estrada juldyzdary, atap aıtqanda, Batyrhan Shókenov, «MýzART» ansambli, «JCS» toby jáne t.b. ánshiler óner kórsetedi.
Bul týraly astana.kz saıtyna kontsertti uıymdastyrýshylar habarlady.
«Kontsert ómirimizge mán-maǵyna beretin aınalamyzdaǵy qarapaıym áıelderge arnalady. Halyqaralyq áıelder kúnin atap ótý aıasynda tanymal erler «Áıel - ol kim?» degen suraqqa jaýap izdeıdi. Kóptegen mýzykalyq jáne teatralyq janrlar úılesken «Álemniń jaryǵy» kontserti názik jandylarǵa merekelik kóńil-kúı syılaıdy. Óner keshiniń ár sáti zaldaǵy hanymdar úshin erekshe bolmaq».
Kontserttiń bastalýy saǵat 17.00.
Aıta keteıik, elordada 8 naýryzǵa oraılastyrylǵan jármeńkeler men kórmeler ótip jatyr. Mysaly, mereke qarsańynda Kongress-hollda halyqaralyq áıelder kúnine arnalǵan kórme ashyldy. Kelýshilerdiń nazaryna túrli áshekeıler, kıim-keshekter men merekelik baǵdarlama - utystar, bıler, degýstatsııa men sheberlik synyptary usynylady. Kórme jumysy 8 naýryzǵa deıin jalǵasady.
