Batyr Júkembaevtyń tıtýldy aıqastaǵy qarsylasy anyqtaldy

NUR-SULTAN. QazAqparat – Qazaqstandyq nokaýtshy Batyr Júkembaev (17-0, 13 KO) Kanadanyń Monreal qalasynda 25 qańtar kúni tıtýldyq aıqas ótkizedi, dep habarlaıdy QazAqparat tilshisi Prosports.kz saıtyna silteme jasap.

Boksshy ózine tıesili jartylaı orta salmaqtaǵy WBA Continental Americas jáne IBF Inter-Continental tıtýldaryn qorǵaıdy. Montreal Casino arenasynda ótetin jekpe-jektegi Batyr Júkembaevtyń qarsylasy – 31 jastaǵy argentınalyq Maksımılıano Rıkardo Veron (12-3-1, 4 KO).

Aıta ketsek, ózine tıesili tıtýldardy Júkembaev 26 qyrkúıekte ótken buǵan deıingi aıqasynda jeńip alǵan bolatyn. Ol kezde 28 jastaǵy qazaqstandyq boksshy tóreshilerdiń bir aýyzdan bergen daýysymen meksıkalyq Mıgel Vaskesten (41-9, 15 KO) basym tústi.