Batyr Júkembaevtyń pýertorıkalyq nokaýtermen jekpe-jeginiń ótetin kúni jarııalandy
NUR-SULTAN. QazAqparat - Sheteldik aqparat kózderiniń habarlaýynsha, birinshi jartylaı orta salmaqtaǵy qazaqstandyq boksshy Batyr Júkembaev (18-0, 14 KO) kelesi jekpe-jegin 29 mamyrda Los-Andjeleste (Kalıfornııa shtaty, AQSh) ótkizedi, dep habarlaıdy QazAqparat Sports.kz-ke silteme jasap.
Otandyq sportshynyń qarsylasy Pýerto-Rıko ókili Sabrıel Matıas (16-1, 16 KO) bolmaq. Kezdesý Showtime telearnasyndaǵy boks shoýynyń aıasynda ótedi.
Júkembaev — Matıas jekpe-jegi birinshi jartylaı orta sanattaǵy álem chempıony tıtýlyna mindetti úmitkerdi anyqtaý úshin IBF-tiń «tórt týrnır» bóligi retinde josparlanǵan. Taǵy bir «jartylaı fınalda» brıtanııalyq boksshy Lıýıs Rıtson (21-1, 12 KO) jáne argentınalyq Ieremıas Ponse (27-0, 17 KO) kezdesedi.
Aıta keteıik, Batyr úshin aldaǵy jekpe-jek AQSh-taǵy debıýti bolmaq. Qazaqstandyqtyń barlyq aldyńǵy jekpe-jegi Kanadada ótken bolatyn.
