Batyr Júkembaevtyń kelesi qarsylasy anyqtaldy

NUR-SULTAN. QazAqparat - Qazaqstandyq kásipqoı boksshy Batyr Júkembaev (15-0, 12KO) kelesi aıqasyn Monrealda (Kanada) meksıkalyq boksshyǵa qarsy ótkizedi, dep habarlaıdy QazAqparat tilshisi.

«Qazaqstan kásipqoı boksy» VKontakte paraqshasynan belgili bolǵandaı, Montreal Casino oıyn-saýyq kesheninde Júkembaev jartylaı orta salmaqtaǵy 10 raýndtyq jekpe-jekte 30 jastaǵy meksıkalyq Lýıs Hesýs Vıdalesqa (13-6, 6KO) qarsy ótkizedi.

Vıdales 2011 jyldan beri kásipqoı boksta. Bir kezdesýden basqasynyń bárin ol boksshy Meksıkada ótkizgen.

Qazaqstandyq nokaýtshy Batyr Júkembaevtyń (15-0, 12 KO) rıngke oralatyn kúnniń qashan keletinin buǵan deıin habarlaǵan bolatynbyz. Jeńilip kórmegen sportshy 17 mamyrda Monrealdaǵy (Kanada, Kvebek provıntsııasy) Montreal Casino-da ótetin boks keshiniń qatysýshylarynyń biri bolmaq. Qazaqstan ýaqyty boıynsha aıqas 18 mamyrda tańerteń ótedi.

Júkembaev sońǵy aıqasyn dál osy Monreal qalasynda ótkizip, meksıkalyq Hılberto Mesany (10-5-1, 6 KO) tóreshilerdiń biraýyzdy sheshimimen jeńgen edi.