Batyr Júkembaev jankúıerlerine alǵys aıtty

NUR-SULTAN. QazAqparat – Qazaqstandyq boksshy Batyr Júkembaev (17-0, 13 KO) WBA Continental Americas jáne IBF Inter-Continental tıtýldary úshin bolatyn jekpe-jek aldynda jankúıerlerine alǵys aıtty, dep habarlaıdy QazAqparat Sports.kz-ke silteme jasap.

«Assalaýmaǵaleıkým qazaǵym! 25 qańtar kúni Kanadanyń Monreal qalasynda ótetin boks keshinde, basty jekpe-jekte argentınalyq Maksımılıano Rıkardo Veronǵa qarsy ózime tıesili IBF Inter-Continental jáne WBC Continental chempıondyq belbeýlerin qorǵaımyn! Qarsylasym 16 jekpe-jeginde 12 márte jeńiske jetken IBF Latino chempıony. Bul 2020 jylǵy men úshin alǵashqy úlken synaq! Alla buıyrtsa jeńis úshin bar kúshti salamyz! Alǵa Qazaqstan! Qoldaýlaryńyz úshin raqmet!» - dedi ol óziniń Instagram paraqshasynda.

Esterińizge sala keteıik, 26 qyrkúıek kúni meksıkalyq Mıgelıa Vaskeske qarsy (41-9, 15 KO) Monrealda ótken sońǵy judyryqtasýynda Batyr tóreshilerdiń biraýyzdy sheshimimen

jeńiske jetken bolatyn.