Batyr Júkembaev WBC tujyrymynyń belbeýine talasady
ASTANA. QazAqparat - Qazaqstandyq kásipqoı boksshy Batyr Júkembaev 26 mamyr kúni WBC tujyrymynyń belbeýine talasady, dep habarlaıdy QazAqparat tilshisi.
Boxrec.com saıty taratqan málimetterge súıensek, kezdesý Davıd Leme-Karım Ashýr arasyndaǵy kezdesýdiń anderkartynda ótpek.
Birinshi jartylaı orta salmaqta synǵa túsetin otandasymyz Ońtústik Amerıka aımaǵynyń jáne WBC uıymynyń kúmis belbeýiniń ıegeri argentınalyq Djonatan Hose Enızben (20-9-1, 7 KO) judyryqtasady.
Esterińizge sala keteıik, Júkembaev osyǵan deıin kásipqoı boksta 12 jekpe-jek ótkizip, onyń 10 kezdesýin ýaqytynan buryn aıaqtaǵan. Osydan birer kún buryn otandasymyz óziniń facebook jelisinde «Jekpe-jekke 12 kún qaldy», - dep jazba qaldyryp, vıdeo júktegen bolatyn.
