Batyr Júkembaev pen Nurzat Sabyrovtyń kelesi jekpe-jekteri ótetin kún anyqtaldy

ASTANA. QazAqparat - 16 naýryz kúni Monreal qalasynda (Kanadanyń Kvebek provıntsııasynda) ótetin boks keshinde qazaqstandyq nokaýtshylar - Batyr Júkembaev (14-0, 12 KO) pen Nurzat Sabyrov (8-0, 7 KO) rıngke shyǵady, dep habarlaıdy QazAqparat Sports.kz-ke silteme jasap.

Sýper orta salmaqtaǵy Sabyrov 32 jastaǵy argentınalyq Sezar Ernan Reınosomen (15-11-4, 7 KO) aıqasady. Al birinshi jartylaı orta salmaqta óner kórsetetin Júkembaevtyń qarsylasy ázirge belgisiz.

Sońǵy jekpe-jekterin Júkembaev ta, Sabyrov ta merziminen buryn aıaqtaǵan. Batyr 6 qazan kúni Kvebekte ótken aıqastyń jetinshi raýndynda meksıkalyq Patrısıo Lopesa Morenony (21-3, 15 KO), al Nurzat 24 qarashada taǵy bir meksıkalyq boksshy Rokkı Montoıany (32-3, 22 KO) ekinshi raýndta nokaýtqa jibergen bolatyn.