Batyr Júkembaev meksıkalyq tanymal boksshyny nokaýtqa jiberdi

ASTANA. QazAqparat - Kanadanyń Kvebek provıntsııasyndaǵy Centre Videotron arenasynda qazaqstandyq kásipqoı boksshy Batyr Júkembaev (13-0, 11 KO) kelesi kezdesýin ótkizdi, dep habarlaıdy Sports.kz.

Ol meksıkalyq tanymal boksshy Patrısıo Morenomen (20-2, 14 KO) kezdesti. On raýndqa shaqtalǵan jekpe-jek merziminen buryn aıaqtaldy. Júkembaev tanymal qarsylasyn 7-raýndta tehnıkalyq nokaýtpen jeńdi. Endi Batyrdyń jeńisteriniń sany 14-ke jetti, al qarsylasy karerasynda úshinshi ret jeńildi.

Aıta keteıik, kanadalyq jýrnalıster 27 jastaǵy qazaqstandyq boksshynyń sheberligine kóp márte tamsana pikir bildirgen bolatyn. Kanada buqaralyq aqparat quraldary Batyrdy eń daryndy jergilikti sportshylardyń biri dep atap, úlken televızııadaǵy jekpe-jekterin taǵatsyzdana kútetinin jarııalaǵan.