Batyr Júkembaev kelesi jekpe-jegi týraly habarlady

NUR-SULTAN. QazAqparat – Qazaqstandyq kásipqoı boksshy Batyr Júkembaev (18-1, 14KO) kelesi jekpe-jegi týraly málimdedi, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, B.Júkembaevtyń kezekti aıqasy 17 jeltoqsan kúni Monrealda ótedi. Ol rıngte meksıkalyq Hýan Hose Martınespen (28-10, 20KO) kezdesedi.

Bul keshtiń basty aıqasy reseılik Artýr Beterbıev (16-0, 16KO) pen amerıkalyq Markýs Braýn (24-1, 16KO) arasynda bolady. Reseılik boksshy WBC jáne IBF nusqalary boıynsha jartylaı aýyr salmaqtaǵy álem chempıony tıtýldaryn qorǵaıdy.

«Aıqas 17 jeltoqsan kúni Monreal qalasyndaǵy tanymal «Bell Centre» arenasynda ótedi. Beterbıev-Braýn chempıondyq jekpe-jegi ótetin GYM jáne Top Rank shoýlary aıasynda óner kórsetemin. Monrealǵa oralǵanyma qýanyshtymyn», - dedi Batyr Júkembaev Instagram-da.