Batyr Júkembaev kásipqoı rıngtegi tórtinshi jeńisine qol jetkizdi
ASTANA. QazAqparat - Búgin qazaqstandyq jas kásipqoı boksshy Batyr «777» Júkembaev (4-0, 4 ko) Kanadanyń Kvebek qalasynda óziniń kezekti jekpe-jegin meksıkalyq boksshy Rendı Lozanoǵa (10-10-2, 7 ko) qarsy ótkizip, 3-raýndta texnıkalyq nokaýtpen jeńiske jetti.
Aıta keteıik, buǵan deıin Batyr 3 jekpe-jek ótkizip, úsheýinde de nokaýtpen utqan bolatyn. Osyǵan deıin qatarynan úsh ret jeńiske jetken 25 jastaǵy kásibı boksshy Batyr Júkembaev bul joly da qarsylasyna des bergen joq. Onyń búgingi qarsylasy orta salmaq dárejesinde 23 jastaǵy meksıkalyq Rendı Losano bizdiń boksshyǵa asa bir qarsylyq tanyta almady.
Alty raýndtyq jekpe-jek úsh-aq raýndtan aspady. Al sonyń aldynda qazaqstandyq boksshy vengr Ishtvan Dernanetsti nokaýtqa túsirdi, qarsylasy úshin bul jekpe-jek sońǵy úsh jeńisten keıingi alǵashqy jeńilis bolǵan edi. 
