Batyr Júkembaev kásibı rıngte besinshi jeńisine jetti
ASTANA. QazAqparat - Qazaqstandyq boksshy Batyr Júkembaev ekinshi raýndta meksıkalyq Sesılıo Santos Galındony tehnıkalyq nokaýtpen jeńip, besinshi tabysyn merekeledi, dep habarlady Doda Sport.
Aıqastan keıin Júkembaev jarys oǵan ońaıǵa soqpaǵanyn aıtty. Bastapqyda brazılııalyq boksshymen kezdesýi tıis bolatyn. Alaıda Leandro Mendesh Pıntý medıtsınalyq tekserýden ótpedi de qazaqstandyqtyń qarsylasy Sesılıo Santos Galındo boldy. Budan basqa, Júkembaev jankúıerlerine qoldaǵany úshin alǵys bildirip, kelesi tabysty aıqastardy kútýin tiledi.
Eske salsaq, Batyr Júkembaev kásibı rıngte besinshi aıqasyn ótkizip, bárinde de jeńiske jetti. Sońǵy jekpe-jekte qazaqstandyq meksıkalyq Rendı Losanamen shyqty, ony úshinshi raýndta nokaýtqa túsirdi.
