Batyr Júkembaev Kanadadaǵy boks keshinde eki tıtýl úshin aıqasady

NUR-SULTAN. QazAqparat – Qazaqstandyq kásipqoı boksshy Batyr Júkembaev (16-0, 13KO) Kanadanyń Kvebek provıntsııasyndaǵy Monreal qalasynda 23 qyrkúıekte ótetin jekpe-jegine qyzý daıyndalyp jatyr, dep habarlaıdy QazAqparat tilshisi.

Tolyqtyryp aıta ketsek, Júkembaev kelesi aıqasyn meksıkalyq 32 jastaǵy Mıgel Vaskesqa (41-8, 15 KO) qarsy ótkizetinin buǵan deıin habarlaǵan bolatynbyz. Meksıka boksshysy 2010-2014 jyldar aralyǵynda jeńil salmaqta IBF tujyrymy boıynsha álem chempıony bolǵan. Birinshi orta salmaqtaǵy jekpe-jek 10 raýndtan turady.

«BoxRec.com aqparatyna sáıkes, atalǵan aıqasta WBA Continental jáne IBF Inter-Continental nusqasy boıynsha vakantty tıtýldar sarapqa salynady», - dep habarlandy búgin «Qazaqstan kásipqoı boksy» federatsııasynan.

Aıta keteıik, 26 qyrkúıekte ótetin boks keshinde taǵy bir qazaqstandyq sportshy Aman Qazanǵapov (0-0-1) sharshy alańǵa shyǵady.