Batyr Júkembaev 28 ret jeńiske jetken meksıkalyqpen jekpe-jek ótkizedi

NUR-SULTAN. QazAqparat – Birinshi orta salmaqtaǵy qazaqstandyq boksshy Batyr Júkembaev (18-1, 14KO) 11 jeltoqsan kúni kelesi jekpe-jegin ótkizedi, dep habarlaıdy QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap.

Aıqas AQSh-tyń Vırdjınııa shtatyndaǵy Sprıngfıld qalasynda ótedi. Ol tájirıbeli meksıkalyq boksshy Hýan Hose Alvarespen (28-10, 20KO) kezdesedi. Kezdesý alty raýndqa josparlanǵan.

Júkembaev bunyń aldyndaǵy aıqasyn osy jyldyń mamyrynda AQSh-tyń Kalıfornııa shtatyndaǵy Karson qalasynda ótkizgen edi. Ol pýertorıkalyq Sabrıel Matıastan (17-1, 17KO) jeńilgen edi. Bul B.Júkembaevtyń kásibı mansabyndaǵy alǵashqy jeńilisi.