Batyr babalarymyz búkil Eýrazııada at oınatqan qýatty memleketter qurdy - Toqaev
«Taǵdyr taýqymeti ultymyzdyń júreginen azattyq rýhyn óshire almady. Qazaqtyń qaısar ul-qyzdary qashan da eldi bostandyqqa úndep, jigerin janı bildi. Bizdiń memlekettilik tarıhymyz kóne zamannan bastaý alady. Bir kezde bórili baıraq kótergen kók túrikter máńgi el bolýǵa umtyldy. Kúltegin men Bilge qaǵan týraly tastaǵy jazýlar tarıhymyzdyń tereńdigin tanytady. Batyr babalarymyz búkil Eýrazııada at oınatqan qýatty memleketter qurdy», - dep atap ótti QR Prezıdenti.
Memleket basshysy babalarymyzdyń saıyn dalada teńdesi joq kóshpeliler órkenıetin qalyptastyrǵanyn atap ótti.
«Alyp qurlyqtyń saıası-ekonomıkalyq damý barysyna orasan zor yqpalyn tıgizdi. Olar urpaqqa asqaq rýhyn jáne ór namysyn mıras etti. Baǵa jetpes mádenı murasy men jaýhar jádigerlerin tabystady», - dedi Memleket basshysy.
