Batyr babalardy ulyqtap, esimderin urpaq jadynda jańǵyrta berýimiz kerek- N.Nazarbaev
«Jeńistiń 70 jyldyǵyna oraı kelesi jyly elimizdiń barsha óńirlerinde árbir batyrdy eske túsirip, taǵzym etýimiz qajet. Soǵys jyldarynda búkil halqymyz tyl jumysyna, eńbek maıdanyna jumyldy. Qas dushpanǵa qarsy atylǵan on oqtyń toǵyzy Qazaqstannyń qorǵasyny men jezinen quıyldy. Uly Jeńis bizge atalardyń qanymen, analardyń terimen keldi. Erlik eshqashan halyqtyń jadynan umytylmaıdy. Biz batyr babalardy ulyqtap, esimderin urpaq jadynda jańǵyrta berýimiz kerek», - dedi Prezıdent.
«Qymbatty qazaqstandyqtar! Eki kúnnen keıin Uly Jeńis kúnin atap ótetin bolamyz. Tarıhtaǵy eń qasiretti soǵysqa 1 mıllıon 800 myń otandasymyz attandy. Onyń jartysyna jýyǵy maıdan dalasynan qaıtpaı qaldy. Bes júzden astam jerlesimiz Keńes Odaǵynyń Batyry atandy. Erlerimizdiń esimderi máńgilik ańyzǵa aınaldy», - dep atap ótti Memleket basshysy.
