«Batyr arýlarǵa» reseılikter, ýkraındyqtar jáne amerıkalyqtar daýys berýde (FOTO)
Reseı Federatsııasy, Ýkraına, Amerıka Qurama Shtattary, Birikken Arab Ámirlikteri, Belarýs, Germanııa jáne taǵy basqa elderdiń turǵyndary 12 úzdik áıel áskerı qyzmetshini belsendi túrde tańdaýda.
«Osy jyly men baıqaýǵa qatysamyn dep bel býdym. Sebebi, bul teńdessiz, biregeı saıys. Álbette, men fınalıster qatarynda bolǵym keledi. Men áleýmettik jelidegi paraqshamda daýys berýge arnalǵan silteme jasadym. Maǵan belsendi túrde daýys berip jatyr. Baıqaýda qoldaý óte mańyzdy ekenin aıta ketkim keledi», - dedi «Batyr arýlar-2016» baıqaýyna qatysýshy qatardaǵy jaýynger Esenııa Markshteder.
Búgingi kúni baıqaý qatysýshylaryna 130 myńnan asa adam óz daýystaryn berdi. Daýys berý 2016 jylǵy sáýirdiń 1-i men mamyrdyń 31-i aralyǵynda QR Qorǵanys mınıstrliginiń mod.gov.kz saıtynda ótýde. Barynsha ádil daýys berý úshin árbir saıt qoldanýshysy bir ip-meken-jaıdan bir ǵana daýys bere alady. Tańdaý online rejimde ótýde, daýystar avtomatty túrde saıttyń veb-paraqshasynda kórsetiledi. Árbir qatysýshyǵa berilgen daýys sanyn aıqyn kórsetip, jalpy daýys berý barysyn jiti qadaǵalaýǵa múmkindik beredi.
Eske sala ketsek, arýlar baıqaýy Qorǵanys mınıstrliginiń bastamasy boıynsha uıymdastyrylǵan. Byltyr alǵashqy baıqaýǵa 123 áıel áskerı qyzmetshi qatysty. 40 kúnde 255,7 myń daýys berildi. Baıqaý qazaqstandyqtardyń arasynda ǵana emes, sonymen qatar ózge elderdiń turǵyndary arasynda da qyzyǵýshylyq týǵyzdy. Daýys berýge Reseı, AQSh, Germanııa, Indonezııa jáne Úndistannyń qoldanýshylary belsene atsalysty. Nátıjesinde birtalaı synaqtardan múdirmeı ótip, ózderiniń jaýyngerlik ázirlikterin, tózimdilikteri men kúsh-jigerlerin pash etken 12 jeńimpaz anyqtaldy.
