«Batyr arýlar» baıqaýynyń jeńimpazdary tanki astynda tapjylmaı jatý synaǵynan múdirmeı ótti (FOTO)
Bul joly polıgonǵa qatysýshy qatardaǵy jaýynger Lýnara Baımuhametova, aǵa leıtenant Álııa Haırýllına, kishi serjant Saltanat Ǵabdollasheva, serjant Baıan Japarova, kishi serjant Botagóz Musaeva men Mádına Amanjolova, efreıtor Ásem Sehımbaeva jáne aǵa leıtenant Bota Qorabaeva attandy. Jaýyngerlik synaqtar asýynan ótkennen keıin olar Qazaqstan Qarýly Kúshteri áskerı qyzmetshileriniń jaýyngerlik ázirlik deńgeıine sáıkes kelýin rastaýy tıis. Baıqaýǵa qatysýshylarǵa atys qarýy úlgileriniń ınjenerlik bilýin jáne oq atý daǵdysyn, jaýyngerlik jaraqty asynyp kedergiler jolaǵyn eńserý kezindegi tózimdilikti, «Kobra» brondy mashınasyn basqarý sheberligin kórsetý qajet boldy. Qyzdar úshin eń kúrdeli synaq ol tanki astynda tapjymaı jatý boldy. Bul jattyǵý áskerı qyzmetshilerdiń psıhologııalyq daıyndyǵyn tekseredi. Alaıda, «Batyr arýlar» jeńimpazdary qobaljýǵa qaramastan, QR QK naǵyz áskerı qyzmetshileri retinde bul synaqtan da múdirmeı ótti. Eske sala ketsek, QR Qorǵanys mınıstrligi qyz-kelinshek áskerı qyzmetshiler arasynda «Batyr arýlar» baıqaýyn uıymdastyrdy. Saıystyń jospary boıynsha on eki qyz-kelinshektiń árqaısysy 2016 jylǵa arnalǵan arnaıy kúntizbeniń belgili bir aıynyń paraqtaryn kórkeıte túspek. Barlyq jeńimpazdar jaýyngerlik daıarlyqty ótkennen keıin, olardy kásibı stılısterdiń bet-álpetti árleýi jáne fotosessııa kútip tur.