«Batyr arýlar - 2016» baıqaýyna qatysýǵa ótinim bergender sany rekordtyq kórsetkishke jetti (FOTO)
Bul saıys - qatysýshylar óziniń syrtqy symbatynan bólek dene daıarlyǵyn, qarýdy paıdalana bilý sheberligin jáne naǵyz kedergiler jolaǵynan óte alýyn kórsetetin elimizdegi birden-bir aıryqsha baıqaý. Ekinshi ret ótkizilip otyrǵan «Batyr arýlar» baıqaýynyń qatysýshylaryna názik jandy burymdylardyń shama-sharqy jete bermeıtin birneshe kúrdeli synaqtardan ótýge týra keledi, dep habarlaıdy QR QM baspasóz qyzmeti.
Áskerı qyzmetshiler oq atyp, granatalar laqtyryp ártúrli kedergilerdi eńseredi, sondaı-aq sý bógetterinen júzip ótip, qýatty jaýyngerlik mashınalardy basqaratyn bolady. QR QK-niń áskerı qyzmetshi qyz-kelinshekteri arasyndaǵy «Batyr arýlar - 2016» baıqaýyna qatysý úshin ótinish saýalnamalardy qabyldaýdyń aıaqtalýyna týra bir aı qalǵanyn aıta keteıik. Baıqaý aqpannyń basynda bastalǵan edi. Búgingi kúni uıymdastyrý komıtetine ótinimderdiń sany rekordtyq kórsetkishti kórsetip otyr. Ótinimderdiń sany 200-di quraıdy. Ótken jyly bul kórsetkish 4 esege kem bolǵan. «Osy jyly qazaqstandyq armııanyń qyz-kelinshekteri rekordqa jetip otyrǵanyn aıtyp ótýge bolady. «Batyr arýlar - 2016» baıqaýyna qatysý úshin ótinimder Qazaqstannyń barlyq óńirinen kelip túsýde. Serjanttar men ofıtserler, sarbazdar men polkovnıkter - barlyǵy óziniń Qarýly Kúshterdegi qyzmeti, áıel áskerı qyzmetshiler ómiriniń erekshelikteri týraly aıtyp berýge erekshe qulshynys bildirip otyr», - deıdi baıqaý uıymdastyrýshylary. Baıqaýǵa qatysýshylardyń biri podpolkovnık Aısara Jolmaǵanbetova Qarýly Kúshterde 20 jyl qyzmet etýde. Ol M. Áýezov atyndaǵy Ońtústik Qazaqstan memlekettik ýnıversıteti men onyń ishindegi áskerı kafedrany qyzyl dıplomǵa aıaqtap, «leıtenant» ataǵyn alǵan. Qazirde tórt balanyń anasy 25745 áskerı bóliminde qyzmet atqaryp júr. «Meniń oıymsha, armııadaǵy áıelder erlermen ıyq tirestirip, birdeı qyzmet atqarýda. Bizge er áskerı qyzmetshiler sııaqty ózimizdiń jaýyngerlik daıarlyǵymyzdy dáleldeýge týra keledi», - deıdi ol.
Qazaqstandyq armııanyń 12 úzdik ókili osy jyly ekinshi ret sarapqa túsip, tańdalatynyn esterińizge sala keteıik. «Batyr arýlar» tuńǵysh respýblıkalyq baıqaýy óz ǵumyryn Otanǵa qyzmet etýge arnaǵan qyz-kelinshekterdiń úlgi bolarlyq is-áreketterin pash etetin biregeı saıystyń biri bolmaq.
