«Batyr ana» Ýkraınadaǵy halyqaralyq telefestıvalde úzdik dep tanyldy
ALMATY. 10 qazan. QazAqparat - Ýkraınanyń Kamenets-Podolskıı qalasynda «Agrosvet-2013» HH halyqaralyq televızııalyq fılmder men baǵdarlamalar festıvalinen qazaqstandyqtar oljaly qaıtty.
Óner básekesinde Batıma Qabdoldanovanyń «Batyr ana» avtorlyq baǵdarlamasy «Batyr óz aramyzda» atalymy boıynsha birinshi oryndy jeńip aldy.
1993 jyly Latvııada alǵash ret bastalǵan bul telefestıvalge bıyl Ýkraınadan basqa Ázirbaıjan, Bolgarııa, Belarýs, Grýzııa, Qazaqstan, Qytaı, Latvııa, Reseı elderinen agrarlyq saladaǵy 45 jýrnalıst óz materıaldaryn usynǵan bolatyn. Ýkraına ǵylym akademııasynyń akademıgi, Ýkraına Batyry Petr Sablýk bastaǵan qazylar alqasynyń saralaýyna 9 memleketten 127 jumys tústi. Bári ekshele kele, 13 atalym boıynsha úzdikter anyqtalyp, 13 jumys qazylardyń arnaıy dıplomyna ıe boldy.
