Batyp ketken «Kosta Konkordıa» kemesiniń kapıtany úı qamaqqa alyndy
ASTANA. 18 qańtar. QazAqparat - Italıandyq sot kúıreýge ushyraǵan Costa Concordia krýızdik kemesiniń kapıtany Franchesko Skettınony úı qamaqqa alý jóninde sheshim qabyldady.
Bul týraly ITAR-TASS agenttigi habarlaıdy.
Kemeniń kapıtany Franchesko Skettıno qasaqana emes ólim úshin tutqynǵa alynǵan bolatyn. Buqaralyq aqparat quraldarynyń jazýynsha, Francheko Skettıno 15 jylǵa bas bostandyǵynan aıyrylýy múmkin.
Costa Cruises (Costa Crociere) kompanııasyna tıesili Kosta Konkordıa kemesi 14 qańtarda Djılo aralynyń janynda apatqa ushyraǵan bolatyn. Esterińizge sala keteıik, kemeniń bortynda 4 myń 200-den astam adam bolǵan. Sońǵy málimetter boıynsha 7 adam qaza taýyp, 28 adamnyń taǵdyry belgisiz bolyp otyr.
