«Batyl júrek»: shotlandtyq seriler kóshpendiler tilinde sóıleıdi
ASTANA. 19 maýsym. QazAqparat - 20 maýsym kúni saǵat 15:40-ta Astanadaǵy «Arsenal» SSO-da Walt Disney stýdııasynyń «Brave» anımatsııalyq fılminiń «Batyl júrek» atty qazaq tildi nusqasynyń aldyn ala qaıyrymdylyq kórsetilimi ótkiziledi.
«Batyl júrek» - «Kólikter 2» fılminen keıingi otandyq kınoteatrlarda qazaq tilinde kórsetiletin ekinshi mýltfılm.
Aldyn ala kórsetilimge «Bolashaq» Qaýymdastyǵy keńesiniń tóraǵasy Baýyrjan Baıbek, «MARWIN» kompanııasynyń bas dırektory Vadım Golenko, halyqaralyq «Altyn Qyran» qaıyrymdylyq qorynyń Prezıdenti Islambek Saljanov, qazaq dýblıajiniń rejısseri Aıjan Jámshıtova, dýblıaj akterleri Іńkár Ábdirash (Merıda hanshaıym) pen QR eńbek sińirgen ártisi Tóleýbek Aralbaı (korol Fergýs) qatysady. Іs-sharaǵa, sonymen qatar, Astana qalasy men Aqmola oblysynyń balalar úıleriniń tárbıelenýshileri, zııaly qaýym ókilderi qatysady.
Mýltfılm premerasy qazaq jáne orys tilderinde elimizdiń barlyq aımaqtarynyń kınoteatrlarynda 2012 jyldyń 21 maýsymy kúni ótkiziledi.
Joba uıymdastyrýshylary: «Bolashaq» Qaýymdastyǵy, «MARWIN» kompanııasy jáne «Altyn Qyran» qaıyrymdylyq qory. Uıymdastyrýshylar úshin «Batyl júrek» fılmi memlekettik tildiń qoldanys aıasyn arttyrý baǵytyndaǵy úshinshi joba boldy.
