Batýttyq gımnastıkadan qazaqstandyqtar Álem kýbogy kezeńinde chempıon atandy
ASTANA. KAZINFORM - Germanııanyń Kotbýs qalasynda ótken batýttyq gımnastıkadan álem kýbogy kezeńinde el qorjynyna júlde tústi, dep habarlaıdy QR Týrızm jáne sport mınıstrliginiń Sport komıteti.
Komıtettiń habarlaýynsha, sınhrondy sekirýden juptyq básekede Danıl Mýsabaev pen Nıkıta Týmakov 52.200 upaı enshilep, top jardy.
Jarys nátıjesi boıynsha, Germanııa (álem chempıony Kaıo Laýksterman men 2 dúrkin álem chempıony Fabıan Fogel) 52.050 upaımen kúmis alsa, Ulybrıtanııa (álem chempıony Zak Pertsamanos pen Eýropa chempıony Korı Ýolks) 51.530 upaımen qola júldege qol jetkizdi.
Aıta keteıik, otandastarymyz 2025 jyldyń basynda Ázerbaıjan elindegi Álem kýbogy kezeńinde kúmis júlde alǵan edi.
Álem Kýbogynyń kezeńi 21 qyrkúıekte máresine jetedi.
Osyǵan deıin Aıdos Sultanǵalıdyń grek-rım kúresinen 26 jyldan keıin álem chempıonatynda altyn alǵany týraly jazdyq.
