Batýttyq gımnastıkadan álem kýbogynda Qazaqstan quramasy qola aldy

ASTANA. KAZINFORM - Bolgarııanyń Varna qalasynda ótip jatqan batýttyq gımnastıkadan álem kýbogynda Qazaqstan qorjynyna qola medal tústi.

Dúbirli dodada sınhrondy sekirýden aralas juptyq saıysta Erlan Tasmaǵambetov pen Vıktorııa Býtolına qola aldy. Olar 49.68 upaı enshiledi.

Bul saıysta Japonııa quramasy top jarsa, kúmis beıtarap memleket ókilderine buıyrdy.

Álem Kýbogyna jalpy 14 elden 60-tan astam atlet qatysyp jatyr.

Eske salsaq, budan buryn qazaqstandyq gımnast Dmıtrıı Patanın Vengrııanyń Sombatheı qalasynda ótken Challenge Cup kezeńinde top jardy.

Ulttyq quramanyń ókili erkin jattyǵýlarda fınalda 13.900 upaı jınap, úzdik nátıje kórsetti.