Batýttar men attraktsıondarda balany juqpaly aýrýlardan qalaı saqtandyrýǵa bolady
NUR-SULTAN. QazAqparat - Elordadaǵy qoǵamdyq densaýlyqty qorǵaý departamentiniń ókilderi balalardyń batýttarǵa, oıyn bólmelerine jáne attraktsıondarǵa barǵan kezinde olardy juqpaly aýrýlardan qalaı saqtandyrýǵa bolatyndyǵyn túsindirdi, dep habarlaıdy QazAqparat tilshisi.
«Attraktsıondaǵy oıynshyqtar, syrǵanaqtar, sharlar, jumsaq qaryndash, shar salynǵan basseınder arqyly mıkrobtar, ishek qurty, pedıkýlez, menıngıt pen pnevmonııa qozdyrǵyshtary juǵýy múmkin», - delingen habarlamada.
Osy oraıda balalardyń túrli aýralarǵa shaldyǵýynyń aldyn alý maqsatynda ata-analar úshin tıisti keńester bar: attraktsıonǵa barardyń aldynda jáne barǵannan keıin balanyń qolyn jýǵan durys; oıyn arasyndaǵy úzilis kezinde balany tamaqtandyrar aldynda qoldyń tazalyǵyna mán bergen jón; balanyń shashyn jınap, bas kıimdi kıgizgen durys jáne qyzdardyń shashyn órgen abzal.
Batýttar, oıyn alańdary, attraktsıondar balalar úshin tartymdy oryndar bolyp sanalady.
«Departament osy saladaǵy sanıtarlyq-gıgıenalyq talaptardy qadaǵalamaıdy. Sáıkesinshe, departament paıdalanylatyn materıaldyń sapasy men qaýipsizdigin rastaıtyn qujattardyń bolýyna, kúndelikti tazalyq sharalaryna tekseris júrgize almaıdy», - delingen taratylǵan málimette.
