Batýttaǵy gımnastıka: Olımpıada lıtsenzııasy úshin synǵa túsetin qazaqstandyqtar
NUR-SULTAN. QazAqparat - 19-25 qarasha kúnderi Japonııa astanasy Tokıoda batýttaǵy gımnastıkadan lıtsenzııalyq álem chempıonaty ótedi dep, habarlaıdy QazAqparat Olympic.kz saıtyna silteme jasap.
Atalǵan álem birinshiliginde bir jyldan soń Tokıoda bastalatyn Olımpıada oıyndaryna joldamalar oınatylady. Álemdik syndy 1-den 8-shi orynǵa deıingi aralyqta aıaqtaǵan gımnastar avtomatty túrde 2020 jylǵy Olımpıada oıyndaryna qatysý múmkindigin alady. Dúnıejúzilik dodadaǵa Qazaqstan komandasy da qatysady. Olar - Pirmammad Álıev, Danııl Musabev, Igor Grachev jáne Danııar Túsipovter.
