Batýttaǵy gımnastıkadan álem chempıonaty: Qazaqstan sportshylarynyń nátıjesi jarııalandy

 ASTANA. KAZINFORM – Batýttaǵy gımnastıkadan Ispanııanyń Pamplona qalasynda ótip jatqan álem chempıonatynda jekeleı synnyń alǵashqy irikteý kezeńi aıaqtaldy. Bul týraly Ulttyq olımpıadalyq komıtet habarlady.

Erler arasynda ótken saıysta Qazaqstan quramasynan eń úzdik nátıje kórsetken Danıl Mýsabaev boldy. Ol 59.080 upaı jınap, 32-orynǵa jaıǵasty. Ókinishke qaraı, ol ekinshi kezeńge óte alǵan joq. Qazaqstandyq úshinshi qosalqy sportshy retinde tirkeldi.

Nıkıta Týmakov – 37-orynda, Roman Barkov – 38-orynda, al Erlan Tasmaǵambetov – 68-orynda aıaqtady.

Áıelder arasynda ótken saıysta Vıktorııa Býtolına 39-orynǵa turaqtap, bastapqy kezeńnen óte almady.

Qazaqstan batýttaǵy gımnastıkadan Ispanııada ótetin álem chempıonatyna qatysatynyn jazǵan bolatynbyz.

Bolgarııanyń Varna qalasynda ótip jatqan batýttyq gımnastıkadan álem kýbogynda Qazaqstan qorjynyna qola medal tústi.