Batýtta sekirýden Álem chempıonaty: Qazaqstan qorjynynda taǵy bir «altyn»

BAKÝ. QazAqparat - Ázerbaıjan astanasy Bakýde ótip jatqan Álem chempıonatynda qazaqstandyqtar Roman Barkov pen Igor Grachev sınhrondy sekirýden altyn medal jeńip aldy, dep habarlaıdy QazAqparat.

QR Ulttyq Olımpıada komıtetinen málim etkendeı, sportshylar 17-21 jas aralyǵyndaǵy topta synǵa túsken. Olar qarsylastaryna esh múmkindik qaldyrmaı, jeńiske jetti. Ekinshi oryndy Frantsııa ıelense, qola medal Belarýs ókilderine buıyrdy.

Grachev pen Barkov Óskemen qalasynyń ókilderi, Qazaqstan ulttyq quramasynyń músheleri. Fedor Býlýchevskıı men Igor ıAkovlevtiń qol astynda jattyǵady.

Sportshylar 4 jyldan beri sınhrondy sekirýden synǵa túsip keledi. Bul olardyń álem chempıonatyndaǵy alǵashqy medali.

Eske salaıyq, buǵan deıin 11-12 jastaǵylar arasynda akrobatıkalyq jolda sekirýden altyn medaldi qazaqstandyq Islam Qabdollov jeńip alǵan bolatyn.