Batýmıde qonaq úıdegi órtten 11 adam qaza tapty
ASTANA. QazAqparat - Juma kúni keshkisin Batýmıdegi "Leogrand"qonaq úıinen shyqqan órt saldarynan 11 adam qaza tapty, dep habarlaıdy Bı-bı-sı Grýzııanyń ІІM-ne silteme jasap.
«Qutqarýshylar men polıtseıler qonaq úı ǵımaratynan júz adamdy evakýatsııalady. Olardyń arasynda qonaqtar men qonaq úı qyzmetkerleri bar», - delingen vedomstvonyń habarlamasynda.
Zardap shegýshilerdiń arasynda úsheýi - órt sóndirýshiler. Aýrýhanaǵa 21 adam jetkizilgen.
«Olardyń biri Izraıl azamaty, beseýi - Túrkııa azamaty bolsa, qalǵandary Grýzııa azamattary», - dep málimdedi Adjar avtonomııalyq respýblıkasynyń densaýlyq saqtaý mınıstri Zaala Mıkeladze.
Qazirgi tańda barlyq naýqastardyń jaǵdaıy turaqty, dep atap ótti ol.
