Batýmıde alapat daýyldan 16 adam qutqaryldy
ASTANA. QazAqparat - Batýmı mańynda Qara teńizde alapat daýyl turyp, qutqarý qyzmeti 16 adamdy ajaldan aman alyp qaldy, dep jazdy óziniń Facebook-taǵy paraqshasyna Grýzııa ІІM baspasóz qyzmeti Teıa Pertaıa.
«Búgin teńizde 16 adamdy qutqardy, olardyń ishinde sheteldik týrıster de bar», - dep atap ótti Pertaıa.
Grýzııada Qara teńizdegi belgili kýrorttardyń birinde nóser jaýyn jaýyp, daýyl turdy. Jańbyr saldarynan qala da zardap shekti. Oıpań jerlerdi sý basty. Qurbandar joq, dep habarlady rosbalt.ru.
