«Batpaqtaǵy oıyn-2018» trofı-reıdi: Kókshetaýlyq ekıpaj chempıon atandy
KÓKShETAÝ. QazAqparat-Petropavl qalasynda jol talǵamaıtyn kólikterdiń «Batpaqtaǵy oıyn-2018» jarysy ótti. Jarys qorytyndysy boıynsha kókshetaýlyq ekıpaj chempıon atandy, dep habarlaıdy QazAqparat tilshisi.
Jarysqa elimizdiń ár óńirinen jınalǵan jol talǵamaıtyn kólikterdiń júrgizýshileri qatysty. Jylyna tórt ret ótkiziletin jarys erejesi boıynsha djıperler jalpy uzyndyǵy 10 shaqyrym joldy túrli kedergiler arqyly 5 sheńberdiń boıymen júrip ótýleri tıis bolatyn.
«Kókshetaý 4h4» klýbynyń djıperleri ekstremaldy jarysta óz deńgeılerin tekserip kórdi. Nátıjesinde kókshetaýlyq Asqar Іrgebaev pen Eldos Jataevtyń ekıpajy «TR2» sanaty boıynsha chempıon atandy.
Al, Muhammed Mútálápov pen Jaslan Baltabaevtyń ekıpajy «TR1» sanatynda kúmis júldeger atandy. Azamat Nazymbek pen Eldos Jataevqa júdeli orynnan kórinýge sál sáttilik jetispedi.
Sonymen qatar, jarys debıýtanttary Qýanysh Qaraýlov pen Arman Omarov juby «Laıf» klasy boıynsha ekinshi oryn aldy.
