Baton-Rýjdaǵy polıtsııa qyzmetkerlerin óltirgen kúdikti Irakta qyzmet etken
ASTANA. QazAqparat - Baton-Rýj qalasyndaǵy (Lýızıana shtaty) polıtseılerdi óltirdi degen kúdikti, 29 jastaǵy Gevın Long Irakta áskerı qyzmet etken. Bul týraly «Nıý-Iork Taıms» gazetiniń saıty habarlady.
Long AQSh armııasy qatarynda 2005-2010 jyldary bolǵan. 2008 jyly oǵan serjant ataǵy berilip, 2008-2009 jyldary Irakta qyzmet atqarǵan.
Eske sala keteıik, 17 shilde kúni Baton-Rýj qalasynda belgisiz bireý úsh polıtsııa qyzmetkerin atyp óltirgen. Taǵy úsh tártip saqshysy jaralanǵan, onyń biri aýyr halde jatyr.
Tergeýshilerdiń boljaýynsha, Long qara násildi halyq úshin polıtsııadan kek almaq bolǵan.
