Bátken oblysynda jol apatynan 5 shetel azamaty qaza tapty
BІShKEK. QazAqparat - Qyrǵyzstan Respýblıkasy Bátken oblysynda bolǵan jol-kólik oqıǵasynan 5 adam qaza tapty. Bul týraly «Kabar» agenttigine Qyrǵyzstan Respýblıkasy ІІM baspasóz qyzmeti habarlaǵan.
Olardyń málimetterine qaraǵanda, 28 qańtar 20:30-da 51 jastaǵy azamat Osh-Isfana tasjolynda «Deý Neksııa» kóligimen kele jatqan. Ol kólik rýline ıe bola almaı qarsy jolaqqa shyǵyp ketip, «Mersedes Bents Sprınter 313» shaǵyn avtobýsymen soqtyǵysqan. Ol kólikti 25 jastaǵy Bátken aýdanynyń turǵyny júrgizgen.
Jol apatynan «Deý Neksııa» júrgizýshisi men eki jolaýshy oqıǵa ornynda mert boldy. Osy kóliktegi qalǵan eki adam Bátken oblystyq aýrýhanasynyń jansaqtaý bóliminde kóz jumdy.
Qazirgi tańda tergeý júrip jatyr. Aldyn ala derek boıynsha, qaza tapqandardyń barlyǵy - Ózbekstan azamattary.
